iPhone 6 至今一機難求，就算豐澤、蘇寧等等話有現貨賣，都係不定期、不定地點、不定型號出售；一眾用家想買？神心少少經 iReserve 預訂囉。不過，近日有讀者爆料，疑有不法分子，嘗試用內地假身分證經 iReserve 買機。
早前有線眼 A 君向本網報料，有一位操普通話嘅中年男士經 iReserve 訂機後，到 Apple Store 去取機時，在場職對該男士所持有的內地身分證證件真偽有所懷疑，於是通知經理。男子堅持並與經理作出理論。A 君表示他在現場所見，該男士所持有的是一張內地身分證，但看去有點異樣，國徽圖像跟字體有點朦朧，身分證中的頭像戴有眼鏡（一般證件相都會要求除眼鏡先影）。男子堅持到底最後都買到兩部 iPhone 6。
雖然在場人士都未能確定男子是否使用假證，但要提提大家，根據香港法例，使用、保管或管有偽造身分證，一經定罪，可罰款港幣 $10,000 及監禁 10 年！小記呼籲假如遇有懷疑，就交畀警方處理啦。
 |
其實為咗 iPhone 6，唔少人真係可以去到好盡。即使 Apple 嘗試阻止自動機械人 BOT，並加緊核對證件，填錯一個號碼都拒絕賣機，依然未能完全杜絕炒風。（不過記者發現，系統依然存在漏洞，以香港身分證預訂時，即使不填括號或括號內的數字，一樣可以成功預訂；變相同一組身分證號碼，可以預訂三次。）網上經常出現各種新「招聘廣告」，招攬人手「代取機」，看似簡單，進入 Apple Store，出示身分證，付款，取機，再收取酬勞，就大功告成；平均每次酬勞約 $200。只是，說穿了就是要出賣自己的證件號碼，予一個毫不相識的人「代為 iReserve」；既不知道對方實際會如何處理，亦不肯定對方會否將資料用作非法用途，總言之相當危險，勸大家還是便宜莫貪！