作為繁忙都市人，相信大家手頭都有一堆 WhatsApp Group ，個個你一言我一語，一不為意，隨時有海量訊息轟炸你手機。大忙人懶得追 Post，就自然會「自動過濾」訊息，通通已讀不回！最近 WhatsApp 推出新版本 2.16.10，新增群組標記（Tag） 功能，究竟能否促使各「潛水友」浮面呢？
新版本的 WhatsApp Group 增加了 Tag 人功能，用家只需在輸入訊息時，在人名前加「@」號，便可從彈出的表單中 Tag 人，向指定用家留言。即使已把群組靜音（ Mute ），被 Tag 的人仍會在鎖屏的狀態下收到通知。新版本現僅支援 iOS 及 Android 手機，網頁版則暫未開通。
新功能當然有辣有唔辣，除咗留言對象更為清晰，免卻不必要的溝通誤會，亦可方便用家「追 Post 」，以及避免「眼大睇過龍」，錯過重要訊息。然而，所謂「你永遠叫不醒裝睡的人」，因此要潛水的，將會繼續潛下去，相信新功能亦絕不會對他們起正面作用。可是，各打工仔就要醒定嘞，若果聰明的老闆用了這個功能召喚你，而你又「咁啱得咁橋」睇唔到訊息，就要諗定藉口拆招了。
網民的另一討論焦點，是不少通訊軟件，例如 Telegram、WeChat 等早已配備此功能，作為本港覆蓋率相對較高的通訊軟件，WhatsApp 一直被指落後於他人。新功能似乎驚喜欠奉，仲「負皮」不絕，面對著同行威脅，究竟 Whatsapp 的地位會保得幾耐？
資料來源：The Verge