傳聞 NVIDIA 近期將全面為 RTX 30 系列進行調整，消息一出已預視腦場卡價又再會有翻天覆地改變。雖然消息指主要落價是最高階的 80 及 90 Ti，但當最高階跌價，下級型號自然也會受到牽動。
其中 GALAX 就是最早有反應的品牌，在月前其實已有 RTX 3070 系列崩盤，當中 RTX 3070 只需 $3,999 有交易，已接近當初美金 MSRP 售價，而其後 3070 Ti 亦落到 $4,599，比起高位時同價只能買到 RTX 3060，RTX 3070 Ti 更可高企到 $8,000 水平，相信不少用唔夠一年的用家或者已經「嬲到出煙」。除了兩張中高階型號，作為最受歡迎的 RTX 3060 Ti 當然也同步降價至 $3,499，雖然減幅不多，但目前價格明顯是針對 RX 6650 XT 而定，若貨量亦過分地多，難保之後可能還有得跌。
