日本人一向熱衷機械人，致力研究相關科技；而且不論大大小小的公司，都非常樂意引入機械人幫手，協助營運之餘又多個 Gimmick，一舉兩得，最近連銀行都玩埋一份，據報道，日本三菱東京 UFJ 銀行計畫在 2015 年春季起，在東京都內的分行開始嘗試引入機器人當「客戶服務大使」，接待客戶。下次去日本銀行拎錢，一入門口同你講「哦 Hi 唷哥喳依媽屎」（日語早晨）嘅，分分鐘由姐姐變細細粒嘅機械人。
 |  |
（圖片來源：Aldebaran官網）
計畫中引入的為法國 Aldebaran 公司所開發的「NAO」機械人，只有 58cm 高，的的骰骰，但效能絕不輸蝕。NAO 具備面部及圖像識別功能，透過內置的 2 部鏡頭、觸控感應器及 4 個咪高峰，與人互動，最多更可以操 19 種不同語言添。
NAO 支援外置應用程式，三菱東京UFJ銀行計畫為機械人加入更多銀行客戶服務的相關功能，例如介紹業務辦理流程的對話，甚至分析對方行為，及早辨識匯款詐騙等等。據指該計畫是為了預備迎接 2020 年的東京奧運會，方便遊客訪日。大家下次去東京玩，會唔會順便將機械人銀行加入行程？
來源：日本經濟新聞社